11 iyul 2019-cu il tarixdə Göyçay rayon MKS-nin Uşaq şöbəsi  “Açıq kitabxana” layihəsi çərçivəsində Tofiq Şirinov adına 5 saylı Uşaq baxçasında “Balaca fidanlar və onların nağıl aləmi” adlı  kitab sərgisi təşkil edib.Sərgidə uşaqların marağını daha çox kitaba cəlb etmək məqsədi ilə nağıl kitabları, məktəbəqədər hazırlıq üçün vəsaitlər, "Göy qurşağı", “Sehirli dünya” jurnalları nümayiş olunub. Sonra kitabxananın muitimediya işçisi Gülşən Əliyeva  yeni alınan səsli nağıl CD-ləri ilə uşaqları tanış edib. 5 saylı baxçanın müdiri Aynurə Seymurova tədbir barədə fikirlərini bildirərək vurğulayıb ki, "Mütaliə hər bir insanın həyatında önəmli yer tutur, onun dünyagörüşünün formalaşmasında, peşə vərdişlərinin əldə olunmasında böyük rol oynayır. Bu baxımdan tədbir olduqca maraqlıdır.” Tədbirdə uşaqlara açıq havada kitab və jurnallarla yaxından tanış olmaq  imkanı yaradılıb.