Zərdab rayon Heydər Əliyev adına parkda çağırışçı gənclərin həqiqi hərbi xidmətə yola salınması mərasimi təşkil olunub. Mərasimdə rayon rəhbərliyi, Hüquq mühafizə orqanlarının rəhbərləri, çağırışçı gənclər və onların valideyinləri, ordudan təxris olunmuş gənclər, Aprel döyüşlərinin iştirakçıları və torpaqlarımızın azadlığı uğrunda həlak olmuş şəhidlərimizin valideyinləri iştirak ediblər. Tədbirdə Zərdab rayon İcra hakimiyyətinin  başçısı Lütvəli Babayev çıxış edərək, çağırışçı gəncləri təbrik etmiş onlara orduda şərəflə xidmət etməyi, torpaqlarımızın və ərazi bütövlüyümüzün keşiyində ayıq-sayıq dayanmağı arzulayıb. Sonra Zərdab rayon Mədəniyyət Mərkəzinin bədii özfəaliyyət kollektivlərinin hazirladığı geniş konsert proqramı ilə tədbir davam etdirilib. Mədəniyyət Mərkəzinin özfəaliyyət kollektivinin üzvü aşıq Müttəlib, Nazim Həsənov, Xəlil Xəlilov, aparıcı Teyyub Xəlilovun ifasında səslənən rəngarəng mahnı və şeirlər gənclərdə ruh yüksəkliyi yaradıb. Tədbirin yekununda çağırışçı gənclər üçrəngli zəfər Bayrağımızı öpərək, orduda şərəflə xidmət edəcəkərinə söz veriblər.