17 may 2019-cu il tarixində Ağdaş Regional Mədəniyyət İdarəsinin tabeliyində fəaliyyət göstərən Ucar Rayon Tarix-Diyarşünaslıq muzeyində 18 may- Beynəlxalq Muzeylər Günü münasibətilə tədbir keçirilib. Tədbirdə çıxış edən muzeyin direktoru Solmaz Xudayeva qeyd edib ki,bu gün Beynəlxalq Muzeylər Şurasının ( İCOM ) təşəbbüsü ilə 1977- ci ildən keçirilir. O cümlədən,tarixi, maddi və mənəvi abidələrlə zəngin olan ölkəmizdə də bu bayram qeyd olunur.

     Eyni zamanda Tarix-Diyarşünaslıq muzeyində bu münasibətlə dekorativ – tətbiqi sənətin ən gözəl növlərindən olan tikmələrdən və xalçaçılıq məmulatlarından ibarət  “İlmələrin nağılı”  adlı sərgi təşkil edilib. Sərgi bu günlərdə muzeyi ziyarət edən tamaşaçıların böyük marağına səbəb olur.

Qeyd edək ki,17-19 may tarixlərində Ağdaş Regional Mədəniyyət İdarəsinin tabeliyində fəaliyyət göstərən bütün muzey müəssisələrində “Açıq Qapı” günləri elan olunub.